Herikstad Gaard er eit familiebruk som ligg på Herikstad, rett sør for Bryne i Rogaland. Her har me mjølkeproduksjon, grasfôra storfekjøt, sauehald, og nokon høner. I tillegg til meieriet driv me grasbasert husdyrproduksjon, og legg stor vekt på å vera mest mogleg sjølforsynt med fôr til dyra våre. Me nyttar heller ikkje soya eller anna langreist fôr. På jorda dyrkar vi gras og litt korn.

Vår ambisjon er 
å vera mest mogleg sjølvforsynt med fôr til 
dyra våre her på garden. Kyrne på garden er av Jersey rasen, som stammer 
frå øya Jersey i Den engelske kanal. Rasen har vore 
i Norge sidan slutten av 1800-talet.

Dyrevelferd er meir enn berre eit krav – det er ein grunnleggjande del av gardsdrifta vår. For oss er dyra eit viktig reiskap for å utnytte fotosyntesen og omdanne gras til kvalitetsmat for norske forbrukarar.